பெண்ணே........ பெண்ணே

#ஜோ

பெண்ணே பெண்ணே
விடியலில்லை என்று
வீழ்ந்திருந்தது போதும்
இயலாதென்று எண்ணி
முடங்கியிருந்தது போதும்!!

புறப்படு புறப்படு
மனமெனும் கதவை திறந்து
புறப்படு புதிய இலட்சியத்தோடு

சோகங்களை அல்ல
துயரங்களை அல்ல
இழப்புகளை அல்ல
இலட்சியங்களை எண்ணி
வீரு நடைப் போடு பெண்ணே!!

தடைகளில்லா பயணம்
சாதனை அல்ல…
தடைகளைக் கண்டு
விலகி ஓடாதே…..
தடை அதை உடை!!!

முயன்றிடு முயன்றிடு
விழுந்தாலும் அஞ்சிடாதே
எழுந்திடு முயன்றிடு
வெற்றி அடையும் வரை
தடை அதை உடை!!!

தோற்றவர்களை அல்ல
சாதித்தவர்களை பார்
இயலாததை சிந்திக்காதே
இயன்றதை சிறப்பாக செய்திடு

நின் விழிகளில்
வெட்கமும் நாணமும்
மட்டுமல்ல
தடைகளை எரித்திடும்
வீர அக்கினியும்
புறப்படட்டும்!!

பெண்ணே பெண்ணே
உன்னால் முடியும்
உன்னால் எல்லால் முடியும்
நீ நினைத்தால்
மண்ணில் மட்டுமல்ல
விண்ணிலும் வெற்றிகொடி யேற்றிடலாம்