முடியும்.... முயன்றால் முடியும்

** முயன்றால் முடியும் **

முடியும் முடியும்
முயன்றால் முடியும்

முடியும் என்பது
தன்னம்பிக்கை
முடியுமா என்பது
அவநம்பிக்கை
முடியாது என்பது
மூட நம்பிக்கை!!

முடிந்தால் வெற்றி
முடியாவிட்டால்
வெற்றிக்கான பயிற்சி!!

நம்பிக்கையுடன்
முதலடி எடுத்து வை
அதுவே காரியத்தில்
பாதி வெற்றி!!!!

ஒன்பது முறை
விழுந்தாலும்
விழுந்து விட்டோம்
என்று எண்ணாதே
எட்டு முறை
எழுந்தவன் என்று
தோளை தட்டிவிடு!!!

முடியும் முடியும்
முயன்றால் முடியும்!!!!

பலனை எதிர்பாராதே
முயற்சியினை கைவிடாதே
லட்சியத்தில் பசித்திரு
லட்சியத்திற்காய் தனித்திரு
லட்சியத்திற்காய் விழித்திரு
லட்சியத்தினையே பார்வையாக்கி
கனவுகளை வளர் உன்னில்!!!

சிறு உளி தான்
பெருமலையையும் சிதைத்திடும்
சிறு தீக்குச்சி தான்
பெருங்காட்டையும் அழித்திடும்
உன் முயற்சியே
பெருவெற்றியினை தந்திடும்

முயலும் வெல்லும்
ஒரு நாள்
ஆமையும் வெல்லும்
ஒரு நாள்
முயலாமை என்றும்
வெல்லாது!!!!

குழந்தைப் பருவத்தில்
விழுந்தவுடன்
முயற்சியினை விட்டிருந்தால்
இன்றைக்கு நடந்திருக்க முடியாது!!!

முயற்சி செய்
முயற்சி செய்
மீண்டும் முயற்சி செய்
வெற்றி பெறும் வரையிலும்!!!!